Nostra tera. Nosc dagní.

Sciöche candidat Ladin dla SVP sënti na responsabilité particolara por les ghiranzes dles valades ladines. 

Nosta identité ladina ne é nia ma n gran arichimënt personal y de döta la comunité, mo porta ince para n dovëi important: chël da dé inant nosc lingaz y nosta cultura ales generaziuns che vëgn docá. Ma che che vir sües usanzes te na manira convinta pó ince les dé inant y sostigní la cultura ladina.

De importanza fondamentala é les strotöres sanitares te nostes valades. La sanité é na cuestiun fondamentala, adorun doturs söl post. 

I oress me dé da fá por cherié la colaboraziun danter les valades ladines y cun les valades vijines, dantadöt por mioré la situaziun dla viabilité y dles strades. Na ghiranza particolara é ince la sconanza de nosta contrada y dles Dolomites. 

La curida dl teritore cun l internet asvelt y na mobilité che funzionëia bun ne é nia ma importanc te döta la Provinzia, mo dantadöt tles valades ladines. Nostes impreses adora n internet asvelt y na rëi dles strades modernes. Mia ghiranza é chëra da ciafé n bun ecuiliber danter les nezescités modernes y la promoziun dla cultura y scora. 

I oress ince daidé les jones y i jogn da se svilupé inant te nostes valades y da podëi fá sö val de stabil. Mi impëgn sará chë da cherié les fondamëntes por che i jogn pois ponsé al dagní cun plü trancuilité. 

Mi obietifs é porchël:

Se dé da fá por le lingaz y la cultura ladina

Le lingaz y la cultura ladina é na pert fondamentala de nosta identité y na richëza de gran valüta por döt Südtirol. La promoziun dla cultura ladina é na chestiun che me stá dër a cör. L'inciaria dla politica dess ester chëra da cherié les condiziuns por che i mituns y jogn crësces sö cun le ladin te na manira naturala te scora y tla vita da vigni de. Fondamental é ince n sostëgn important a chi che se dá da fá te düc i seturs dla cultura. Implü oi me impegné por mantigní la convivënza pazifica danter i grups linguistics de nosta provinzia che é la basa de nosta autonomia. Chëstes sará mies ghiranzes por le dagní.

Se dé da fá por na soluziun ala mobilité söi jus

I orun se dé da fá por na soluziun che toles en conscidraziun sides la nezescité da messëi se sposté da na valada al atra co da sconé nosc patrimone dles Dolomites da massa trafich söi jus. Na soluziun pó ma gní ciafada deboriada danter Gherdëna y la val Badia. 

Se dé da fá por la promoziun de nosta jonëza

I orun svilupé propostes nöies por nostes jones y jogn. N tema zentral é l ciafé na ciasa o n apartamënt da abité y vire. Ince la formaziun y la scora resta chestiuns fondamentales. Implü oressi amplié l oferta da fá sport, da soné musiga y d atres ativités dl tëmp lëde. Sce nüsc jogn stá ion te nostes valades podun ester sigüsc de ester sön la dërta strada. 


Über Mich

Meine Arbeit ist Ihr Anliegen.

Mehr erfahren →

Aktiv WErden

Gemeinsam für die Zukunft Südtirols.

Mehr erfahren →


Social Newsfeed